Rritja e çmimit të energjisë elektrike për furrat e bukës ka hyrë në fuqi ditën e sotme. Rritja konsiston në fasha të ndryshme orare, por kjo pritet të sjellë ndryshime në çmimet e produkteve të brumit dhe të pastiçerisë. Për këtë arsye, Autoriteti i Konkurrencës, ka paralajmëruar se do të nisë monitorimin e menjëhershëm të bizneseve me qëllim që të mos abuzohet me çmimet.
Njoftim i Autoritetit të Konkurrencës:
Autoritetit i Konkurrencës vendos menjëherë nën monitorim çmimin e prodhimit dhe tregtimit të bukës pas hyrjes në fuqi të vendimit nr. 72 datë 15.04.2024 të Entit Rregullator të Energjisë (ERE) Sot në datë 01.11.2024 Autoriteti i Konkurrencës, nisur nga informacione mediatike në lidhje me njoftimin e furrave të bukës për rritjen e çmimit të bukës, filloi monitorimin e menjëhershëm në terren për evidentimin e çdo sjelljeje abuzuese në shkelje të ligjit nr. 9121/2003 ‘Për mbrojtjen e Konkurrencës’.
Ligji nr. 9121/2003 ‘Për mbrojtjen e konkurrencës’ ndalon të gjitha marrëveshjet të cilat kanë si objekt ose si pasojë pengimin, kufizimin ose shtrembërimin e konkurrencës në treg, veçanërisht marrëveshjet që caktojnë në mënyrë të drejtpërdrejtë ose të tërthortë, çmimet e blerjes ose të shitjes, apo çdo kusht tjetër tregtimi. Sjellim në vëmendje të ndërmarrjeve të prodhimit dhe tregtimit të bukës se, shkelja e ligjit 9121/2003 ‘Për mbrojtjen e konkurrencës’ përbën kundërvajtje administrative dhe sanksionohet me gjobë, në masën deri në 10 për qind të xhiros së vitit financiar paraardhës të ndërmarrjeve të përfshira në marrëveshje të paligjshme.
AKU, jo gjithmonë ka zbatuar rregullat dhe kriteret që ajo proklamon dhe që ligji përmban. Si në rastin e akulloreve me përmbajtje kancerogjene, apo produkteve të mishit si dhe minjtë në pakot e miellit. AKU ka vënë në rrezik jetën e qytetarëve. Në të shumtën e rasteve ajo ka bërë një sy qorr dhe një vesh shurdh, duke treguar se dhe ky sektor është i kontrolluar nga qeveria. Megjithatë, le të shpresojmë që AKU nuk do të veprojë si në të shkuarën dhe do të bëjë detyrën në interes të mbrojtjes së qytetarëve.
