Ministri i Mbrojtjes, Pirro Vëngu, pas mbledhjes së Këshillit të Ministrave ka bërë me dije se Qeveria ka kaluar projektligjin për krijimin e Forcës Rezerviste të Shqipërisë.
Sipas Vëngut, Qeveria synon që fillimviti i ri t’i gjejë duke hedhur hapat e para drejt krijimit të Forcës Rezerviste.
Ai theksoi se ky vendim erdhi si pasojë e situatës globale, por edhe si një plotësim i standardeve të NATO-s.
“Ka lindur nevoja që të krijojmë Forcën Rezerviste. Kjo i jep mundësi ushtarakëve aktivë, që kanë vendosur për arsye të ndryshme që të zhvillojnë karrierën në privat, i japim mundësinë të rikthehen në Forcat e Armatosura me misione specifike dhe të japin kontributin e tyre me detyrime gjithashtu që mund të mbulojnë misione paqeruajtëse apo në rajon”, u shpreh minsitri Vëngu.
