Kancelari gjerman Olaf Scholz njoftoi se do të ketë dërgesa të mëtejshme të armëve në Izrael gjatë një debati në parlament. “Ne kemi dorëzuar armë dhe do të dorëzojmë armë”, theksoi ai në fjalimin e tij para deputetëve gjermanë. Qeveria gjermane mori vendime “të cilat gjithashtu sigurojnë se do të ketë dërgesa të mëtejshme në të ardhmen e afërt”, shtoi ai.
Megjithatë. Scholz la të hapur shkallën në të cilën do të dërgohen armët – me disa parti gjermane që më parë akuzuan koalicionin e tij qeverisës për mungesë mbështetjeje për Izraelin. Qeveria gjermane ka refuzuar licencat e eksportit për municione apo pjesë këmbimi për tanke “për javë dhe muaj”, kritikoi kreu i CDU-së Friedrich Merz.
Merz pretendon se “një numër i madh kompanish” kishin dalë me dokumente të shkruara që deklaronin se licencat ishin aplikuar, por jo të përpunuara nga qeveria gjermane për muaj të tërë. Pas SHBA-së, Gjermania është një nga eksportuesit më të rëndësishëm të armëve në Izrael. Në vitin e kaluar, eksportet u vlerësuan në 326.5 milionë euro, dhjetë herë më shumë se një vit më parë.
