Donald Trump mund të ishte sërish shënjestër e një sulmi ndaj tij. Ish-presidenti amerikan dhe kandidati republikan për zgjedhjet e ardhshme në SHBA, duket se i ka shpëtuar një kërcënimi tjetër për jetën, i treti në radhë ndaj tij. Policia raportohet se ka gjetur ‘eksplozivë’ në një makinë pranë zonës ku do të mbahet një tubim elektoral i ish-presidentit Trump në Long Island. Deri tani, fatmirësisht Trump i ka mbijetuar dy tentativave për vrasje nga dy persona të armatosur, ndërkohë që sulmi i radhës ndaj tij ishte planifikuar ndryshe, por edhe këtë herë policia ka arritur të zbulojë gjithçka në kohë. Gjatë inspektimit të zonës ku do të zhvillohej tubimi i Trump, raportohet se autoritetet gjetën eksplozivë në një automjet aty pranë. Sipas raportimeve nga mediat, shoferi i automjetit u largua menjëherë duke vrapuar.
“Askush nuk e pa nëse ai kishte ndonjë gjë me vete, ata thjesht e panë atë duke u larguar me vrap. Shumë makina po parkojnë tani, ato janë rreshtuar në Hempstead Turnpike. Edhe në Eisenhower Park, ata thjesht po parkojnë atje”, thuhet nga raportimi i One America News Network.
Mijëra mbështetës republikanë pritet të zbresin në Long Island përpara tubimit në Nassau Coliseum.
