Ditën e sotme (21 gusht) u regjistruan disa të shtëna me armë zjarri në drejtim të policisë në Shkodër, të cilët ishin për kontrolle kundër kultivimit të bimëve narkotike.
Për këtë ngjarje ka ardhur edhe një deklaratë nga policia e cila është shprehur se disa shtetas të paidentifikuar kanë qëlluar në ajër në momentin kur FSNH kanë parë efektivët e policisë. RENEA ka filluar kontrolle me helikopter në Malësinë e Madhe për kapjen dhe identifikimin e autorëve.
Të shtënat me armë ndaj punonjësve të policisë, kanë ndodhur gjatë një aksioni kundër kanabisit në zonën e Repishtës, ku ishte evidentuar një parcelë me kanabis. Ndërkohë pas kësaj ngjarje u nisën drejt Repishtes forcat speciale të RENEA, FNSH dhe forca të tjera të policisë Shkodër në kërkim të personit që qëlloi me armë zjarri gjatë kontrolleve të policisë për goditjen e parcelave te drogës.
