Një ngjarje e rëndë ka tronditur Prishtinën mbrëmjen e djeshme, ku një grua, 56 vjeçe vrau kunatin e saj, 60 vjeç. Sipas policisë autorja e krimit është Nazmije Millaku dhe viktima është identifikuar si Rexhep Millaku. Autoritetet bëjnë me dije se viktima punonte në Panelin Zgjedhor për Ankesa dhe Parashtresa.
Hetimet paraprake zbulojnë se vrasja ka ndodhur për shkak të disa konflikteve familjare. 56-vjeçarja dhe kunati i saj jetonin në të njëjtën shtëpi, por hyrjet i kishin të ndryshme. Nazmije Millaku pasi vrau kunatin e saj u vetëdorëzua në polici, ku pranoi se ekzekutoi vëllain e bashkëshortit.
“Lidhur me rastin e vrasjes së rëndë, në rrugën “Ismet Krasniqi” në Prishtinë, ju njoftojmë se prokurorja kujdestare nga Departamenti për Krime të Rënda, ka dalë në vendin e ngjarjes, nga aty në bashkëpunim të plotë me policinë e njësitë relevante kanë marrë veprime hetimore, me qëllim të ndriçimit të rrethanave të kësaj ngjarjeje. Me urdhër te Prokurorisë, e dyshuara (56 vjeçe) është dërguar ne mbajtje, për shkak te veprës penale “Vrasja e rende”, sipas KPRK-se, si dhe është sekuestruar arma, si mjet i kryerjes se veprës penale.
Menjëherë policia ka dalë në vendin e ngjarjes dhe ka ndërmarrë të gjitha veprimet e nevojshme që konsistojnë në hetimin e rrethanave që karakterizojnë ngjarjen. Lidhur me rastin është vetëdorzuar një person e dyshuara: -N.M. femër”, njofton Policia.
