Shtyhet pas pushimeve të verës, më konkretisht më 12 shtator, seanca paraprake e “Sterilizimit”. Shkak për shtyrjen e sotme është bërë mungesa e pajustifikuar e avokatit të ish-ministrit të Shëndetësisë, Ilir Beqaj. Ky i fundit, i vendosur në pranga pasi akuzohet se ka abuzuar me fondet e SASPAC, ka folur në seancën e sotme, duke kundërshtuar aktet e sjella nga Prokuroria e Posaçme kundër Korrupsionit dhe Krimit të Organizuar.
“Aktet që janë paraqitur kanë të pavërteta,”-është shprehur Beqaj në fjalën e tij. Po ashtu, ish-ministri kërkoi të bënte një deklaratë të gjatë lidhur me aktet, por gjykata e ndërpreu me pretendimin se mbrojtja nuk mund të bëhej këtë seancë për shkak të mungesës së avokatit.
Kjo është hera e katërt që shtyhet seanca paraprake për çështjen “Sterizilimi”.
