Fermerët kanë bërë të ditur se Policia e Korçës i ka anuluar të gjitha gjobat e vendosura ditën e djeshme, pasi ata protestuan me mjetet e tyre në rrugë dhe bllokuan aksin nacional Korçë – Pogradec. Gjobat varionin nga 250 mijë lek të vjetra deri në 1 milion lekë të vjetra.
Po ashtu mësohet se fermerët do të vazhdojnë me protestat e tyre duke thënë se ata do të ndalojnë deri sa të merren parasysh nga qeveria kërkesat e tyre.
Pse po protestojnë fermerët?
Fermerët janë ngritur në protestë për shkak të mungesës së tregut. Atyre u ka mbetur stok i gjithë prodhimi i qepës, patates, misrit dhe grurit.
Sipas fermerëve, stoku i prodhimeve të pashitura edhe këtë vit ka ardhur pasi sasi të mëdha të këtyre kulturave bujqësore importohen nga vende të rajonit me çmim të të lirë se ai i tregut vendas.
