Sekuestrohet mbi 100 kilogramë hashash dhe arrestohen 5 persona nga policia në Romë. Mes të arrestuarve është dhe një shqiptar. Konkretisht, policët e Qarkut III, pas një aktiviteti intensiv hetimor, mbërritën në via Publio Elio në shtëpinë e një 28-vjeçari shqiptar, ku gjetën të fshehura në dhomën e gjumit rreth 979 blloqe hashash me peshë rreth 72 kg në total, 13 cigare elektronike, në rezervuarin e të cilave kishte lëng me efekt narkotik, materiale të ndryshme paketimi droge dhe rreth 30.000 euro cash.
Ndërkohë, në via Giorgio Pelasca, gjatë një kontrolli të një makine që drejtohej nga një grua, efektivët gjetën dy çanta në sediljen e pasme, në të cilat kishte hashash që peshonte afërsisht 22 kilogramë. Ndërsa, gjatë kontrollit në banesën e drejtueses së mjetit u gjetën të fshehura në frigoriferin e kuzhinës 6 kg hashash dhe 3 gramë kokainë. Është arrestuar gruaja, një 44-vjeçare italiane.
Në vijim të operacionit, në rrugën Via Siculiana, ata patën mundësinë të shihnin një burrë i cili, me një qëndrim të kujdesshëm, po nxirrte një zarf nga mbulesa e një makine dhe më pas ia jepte një personi tjetër. Ata kanë identifikuar 52-vjeçarin dhe 29-vjeçarin, të dy italianë dhe brenda çantës kanë gjetur 1 kilogramë e gjysëm hashash.
Më tej, 29-vjeçarit i gjetën 3 mijë euro, ndërsa 52-vjeçarit, 2845 euro. Më tej, në kroskotin e makinës, efektivët gjetën edhe 4850 euro të tjera cash të ndarë në kartëmonedha të prerjeve të ndryshme. Në via Pavia, ata vunë re një burrë që ecte midis makinave të parkuara në një mënyrë të dyshimtë, e kanë kontrolluar duke e identifikuar si 45-vjeçar italian dhe i kanë gjetur mbi 400 gram hashash dhe 85 euro. Burri u vu në pranga.
