Një 46-vjeçar shqiptar është arrestuar nga policia greke në Filiatra, pasi akuzohet se ka dhunuar bashkëshorten e tij 25-vjeçare. Mediat grekeraportojnë se ngjarja ka ndodhur të premten, ndërsa shqiptari është vënë në pranga mëngjesin e kësaj të diele.
25-vjeçarja ka denoncuar në polici duke thënë se është goditur me shufra hekuri në duar dhe fytyrë. Menjëherë policia ka shoqëruar gruan dhe e ka marrë në pyetje, ndërsa pas ndihmës mjekësore ajo është larguar. 46-vjeçari po mbahet në burg, ndërsa të martën pritet të dalë para Prokurorisë.
