Gjykata e Apelit të Përgjithshëm ka lënë sërish në masën e sigurisë “arrest në burg” Dritan Nanon dhe Dorian Alian, të arrestuar për dhunën e ushtruar ndaj avokatit Sokol Mëngjesi. Avokati Sokol Mëngjesi u dhunua fizikisht nga katër persona, tre prej të cilëve vijojnë të jenë në kërkim.
Ai ishte përfaqësues ligjor i 8 trashëgimtarëve të një prone në Tiranë, në procesin gjyqësor të fituar në Shkallën e Parë dhe në Apel. Por njëri prej trashëgimtarëve, pikërisht Dritan Nano i cili u shoqëruar nga Policia si organizator i dyshuar i dhunës, nuk pranoi respektimin e kontratës me studion ligjore për kryerjen e pagesës.
Pas 16 ditësh në gjendje të rëndë, avokati Sokol Mëngjesi doli nga gjendja e komës më 13 qershor, teksa ndodhet i shtruar në një spital në Athinë
