Detaje tronditëse janë zbardhur nga vrasja e recepsionistit Eraldo Novruzi në hotelin në Dhërmi. Mësohet se autori, njëherësh pronar i hotelit “Greccia”, Gerald Shehu i dogji sendet dhe rrobat në furrën e picave viktimës, menjëherë pasi e ekzekutoi.
Kjo konfirmon pistën se autori e kishte menduar ngjarjen. Nga policia është konfirmuar gjithashtu gjetja e trupit të pajetë të 31-vjeçarit Novruzi ndërsa kërkimet janë intensifikuar mëngjesin e së premtes, ku në terren kanë qenë 9 grupe kërkimi. Nga toka, ajri me dron apo edhe nga deti.
Trupi është gjetur pranë përroit të Gjipesë në Vuno, në një zonë të quajtur edhe si gurore. Dy autorët që kanë ndihmuar në fshehjen e provave dhe trupit të pajetë të viktimës janë personat e identifikuar me emrat Daniel Qose dhe të David Larti.
