Një ngjarje e rëndë ndodhi para 10 ditësh në Krujë. Një 43-vjeçar është arrestuar ditën e sotme nga policia, pasi plagosi me thikë gruan e tij. Madje pas ngjarjes, ai u arratis edhe nga shtëpia.
I arrestuari është Gentian Gjoka, banues në Krujë. Siç mësohet zyrtarisht, 10 ditë më parë ai goditi disa herë me thikë bashkëshorten, Abesie Balla Gjoka, 37 vjeçe.
Ngjarja e rëndë ndodhi teksa burrë e grua ishin në banesën e tyre. Pas aktit të rëndë, Gentian Gjoka u arratis dhe u shpall në kërkim nga policia.
Materialet hetimore i kaluan Prokurorisë pranë Gjykatës së Shkallës së parë të Krimeve të Rënda Tiranë në ngarkim të shtetasit Gentian Gjoka, për veprat penale “Vrasje për shkak të mardhënieve familjare, e mbetur në tentativë” dhe “Mbajtja pa leje e armëve të ftohta” parashikuar në nenet 79/c-22 dhe 279 të Kodit Penal.
