Pak minuta më parë Këshilli i Ministrave me urdhër të kryeministrit Rama dhe ministrit Sandër Lleshaj shkarkuan kryetarin e Bashkisë së Vaut të Dejës, Zef Hilën.
Ky vendim i menjëhershëm ka lidhje me incidentin e mbrëmshëm të ndodhur në Bushat, ku qendrës së KZAZ-së iu vu flaka.
Hila ka folur për “A2 CNN”, lidhur me vendimin. Ai u shpreh se ministri dhe kryeministri janë dezinformuar. Ai thotë se nuk ka marrë pjesë në protestë, ndërsa shton se do të presë organet e drejtësisë të shprehen.
“Më 30 qershor do të ketë protestë. Unë do të jem në krye. Dekreti ka një datë, më 13 tetor. Unë distancohem nga dhuna dhe këtë e dinë të gjithë që në bashkinë e Vaut të Dejës nuk ka pasur akte dhune. Nuk është organizuar nga bashkia, por nga aleanca e qytetarëve, ka pasur nga administrata. Ata janë qytetarë. Ne i kemi kërkuar KZAZ-së të lirojë ambientet”, u shpreh Zef Hila.
