Myrto Uzuni humbi ndeshjet miqësore të kombëtares për shkak të një dëmtimi në tendinën e thembrës në këmbën e majtë, siç konfirmohet nga analizat mjekësore të kryera. Klubi i Granadas bëri të ditur për situatën e sulmuesit të kombëtares së Shqipërisë nëpërmjet një postimi në rrjetet sociale.
“Analizat mjekësore të kryera ndaj sulmuesit Myrto Uzuni konfirmojnë se ai vuan nga një dëmtim në tendinën e Akilit, në këmbën e majtë. Rikthimi i tij në fushën e lojës varet edhe nga evolimi i dëmtimit të tij”, shkruan klubi.
Uzuni ka luajtur 28 ndeshje në këtë sezon të kampionatit spanjoll, duke shënuar 9 gola dhe duke dhuruar 1 asist. Ky është edicioni i tij i 3-të te Granada, pasi më parë ka luajtur për Ferencvaros.
