Një efektiv policie, Admir Okaj, u qëllua me sende të forta në kokë pasditen e sotme në Shkodër, afër banesës së tij në zonën e Zdrales. Ngjarja ndodhi rreth dy orë më parë, dhe personat që e qëlluan ende nuk janë identifikuar.
Pas marrjes së mjekimit në kokë në spitalin e Shkodrës, Okaj ndodhet jashtë rrezikut për jetën dhe është larguar për të dhënë dëshminë e tij për policinë. Ai ka shërbyer për shumë vite me forcat e FNSH në Shkodër, ndërsa në kohën e fundit ka punuar në qarkun e Elbasanit.
Policia është duke hetuar ngjarjen, dhe kamerat e sigurisë në zonën përreth janë sekuestruar për të mbështetur hetimet. Ende nuk janë të qarta arsyet e kësaj ngjarjeje.
