Apeli i GJKKO ka rrëzuar kërkesën e Berishës për t’i lejuar që të marrë pjesë në seancat plenare. Në një prononcim për mediat pas mbarimit të seancaës, avokati i Berishës, Genc Gjokutaj e konsideroi si shkelje të Kushtetutës vendimin e gjykatës dhe shtoi se GJKKO vepron me regji.
“Ky vendim i sotëm vendosi rrëzimin e kërkesës sonë. Sot u vërtetua shkelmimi i Kushtetuës edhe nga Apeli. Këta janë sy që nuk shikojnë dhe veshë që nuk dëgjojnë, me regji. Duam që të lirohet Berisha, sepse nuk ka akuzë dhe nuk ka prova. Këta kanë vënë trupat e tyre për ta mbajtur në këmbë sistemin. Kjo gjykatë me vendimin e saj e largoi veten nga ligji dhe Kushtetuta. Nuk pranon SPAK as ekspertizat, asgjë. Kjo është çartje dhe lajthitje”, u shpreh Gjokutaj.
