Para disa ditësh media gjermane “Bild” publikoi 10 audiopërgjime lidhur me blerjen e votave të njerëzve të thjeshtë nga radhët e PS.
E ndërsa ditë e sotme një artikull investigues është publikuar nga “shqiptarja.com”, ku kanë sjellë në vëmendje hetimet për dosjen 978, ku edhe pse kanë kaluar 10 vite ato nuk janë harruar.
Tashmë pas 10 viteve kanë dalë në sipërfaqe disa përgjime që konsideroheshin të zhdukura që tregojnë sistemin e zgjedhjeve kur PD dhe LSI ishin pothuajse gati për të qeverisur bashkë.
Bëhet fjalë për Dosjen me nr.978 e regjistruar në 2009 në prokurorinë e Tiranës, ku objekt i hetimit ka qenë biznesmeni i kompanisë “Adriatik Development Corporatiopn LTD”, Kastriot Ismailaj, që sot po vuan dënimin me 11 vite burgim në burgun e Fierit.
Ai nxorri emra të njohur e të rëndësishëm të politikës e gazetarisë shqiptare.
Në përgjimet që prokuroria ka, del një komunikim me sms mes Kastriot Ismailaj dhe presidentin aktual Ilir Metës, ku ky i fundit një ditë para zgjedhjeve te 2009, i kërkon me urgjencë Kastriotit një shumë prej 200 mijë euro.
Shumë komunikime telefonike mes Metës e Ismailajt janë asgjësuar nga prokuroria e Tiranës me vendim gjykate.
Në këto biseda Meta, Kastrioti dhe personazhi tjetër me inicialet I.K, bisedojnë për punën e fushatës elektorale dhe mbështetjen të nevojshme. Gjithashtu në këtë dosje del dhe emri i Fatos Nanos dhe Sali Berishës.
Në 3 mars 2009 Kastrioti gjatë një bisede telefonike me shtetasen amerikane Rebeka Gaskin Gain, kjo e fundit i dërgon një sms me tekst: “Ministër i kujt resurs është ai?.” Ndërsa Kastriot Ismailaj ia kthen Rebekës se është “…kryeministri…”, që për në atë periudhë rezulton të jetë Sali Berisha. Çfarë kërkonte Rebeka Gaskin nga kryeministri Sali Berisha? Nuk dihet pse nga dosje mungon biseda para dhe pas kësaj sms.
Mes emrave të tjerë që dalin në përgjimet e kësaj dosje, janë Fatos Nano, gazatarët I.K dhe A. Zh., botues A. D. dhe A.S, biznesmeni A.P. dhe E. Sh., dhe amerikania Rebeka Gaskin. “Shqiptarja.com” siguron të plotë dosjen e prokurorisë së Tiranës, ku evidentohen një sërë bisedash.
Fillimi i problemeve e sms me Ilir Metën për 200 mijë euro
Nga bisedat telefonike ka rezultuar se Ismailajt kanë filluar t’i dalin probleme edhe në Zvicër, ku ai ka shkuar të interesohet me një person që quhet Mustafa, për t’i gjetur edhe një avokat.
Në këtë kohë Ismailaj komunikon me E. Sh. për pagesat lidhur me drejtimin e kompanisë. Thuaj se çdo ditë Ismailaj ka komunikuar në gjuhën angleze me Rebeka Gaskin Gain, si dhe t’i dërgoj fatura të diskutoj për transferta parash, çështje biznesesh dhe në rajonin e Ballkanit. Njëherësh gjatë kësaj kohe rezulton se Ismailaj ka bërë investime në lokalin e marrë me qera, pranë ambasadës Greke në Tiranë.
Ka telefonuar dhe organizuar takime me Ilir Metën etj. Një ndër komunikimet me këtë të fundit ka qenë nje ditë para zgjedhjeve parlamentare në 22 qershor 2009, ku Meta i thotë Kastriotit në orën 17:57 me një sms me tekst:
“Nesër në darkë duhet të takohemi patjetër. Më duhen 200 mijë patjetër. Mos harro”. Ndërkohë po në këtë ditë Kastriot Ismailaj komunikon me Edi Sh., ku bisedon për një transfertë ekspres. Kastrioti i përgjigjet se jam rrugës duke u kthyer nga Maqedonia dhe do e përfundoj nesër.
https://youtu.be/NeAgCPeWaP4
