Përplasje të ashpra kanë ndodhur edhe në qytetin e Kukësit mes policisë dhe mbështetësve të PD.
Kuksianët e kanë çuar këtë protestë në nivele të dhunshme, ku fillisht u dogjën edhe goma, por policia hodhi gaz lotsjellës për të shpërndarë turmën. Nga hedhja e gazit lotsjellës mbeti i lënduar edhe një efektiv policie, të cilin qytetarët e ndihmuan për ta çuar në spital.
Ata kanë marrë një kamionçinë për të shpërthyer derën e KZAZ ku situata është tensionuar edhe më shumë.
Shumë përplasje kanë ndodhur edhe në qytete të tjera të Shqipërisë, pas dekretimit të datës së zgjedhjeve nga presidenti Ilir Meta.
Mbështetës të Partisë Demokratike dhe opozitës së bashkuar si dhe shumë qytetarë të tjerë, i kanë vënë kavën derës së KZAZ-së pavarësisht rezistencës së Policisë.
