Kreu i Grupit Parlamentar të PS Taulant Balla ka zgjedhur qytetin e Elbasanit për një takim me qytetarët. Ai ka komentuar gjithashtu edhe vendimin e presidentit Meta për të shpërndarë Parlamentin, ku ka thënë se nuk duhen dëgjuar gojët e liga.
Sipas tij zgjedhjet do të zhvillohen në 30 qershor dhe presidentit Metai ka hyrë vetja në qejf dhe ka hapur lajmin se do të shpërndajë Parlamentin
“Pavarësisht se ç’thonë gojët e liga, zgjedhjet do të bëhen në 30 Qershor. Shkodranët kanë një shprehje, “mos të hyftë vetja në qef, ose të hyftë vetja në qef se e sheh pastaj.
Presidentit, për fat të keq i ka hyrë vetja në qef dhe ka hapur haberin se gjoja do të shpërndajë Parlamentin. Se çfarë Kushtetute ka Presidenti, nuk e di, por kam frikë mos ka ngatërruar Kushtetutën me bllokun e zi”,- tha Balla.
