Pak ditë pasi presidenti Ilir Meta e botoi në fletoren zyrtare dekretin për shtyerjen e zgjedhjeve të 30 qershorit, disa KZAZ në disa qytete kanë nisur të mbyllen.
Kjo situatë u regjistua edhe në Kavajë, ku disa policë bashkiakë dhe roja i një shkolle, kanë hequr listat e zgjedhësve të vendosura nga KZAZ-të.
Është ish-kryemistri Sali Berisha ai që ka reaguar dhe ka postuar në rrjetin social Facebook foton e këtyre personave të cilët ai thekson se janë burgosur pasi bllokuan KZAZ-në në Luz të Vogël.
Në denoncimin e tij thuhet se veprimi i tyre është në përputhje të plotë me ligjin, pasi presidenti ka shfuqizuar datën e zgjedhjeve me dekret.
Ata gjithashtu i kanë dërguar një foto Berishës nga qelitë e paraburgimit, të cilën ish-kryeministri e ka postuar në Facebook. Berisha i ka quajtur kryengritës dhe guximtarë, personat që bënë këtë veprim.
Postimi i plotë i Berishës:
Kryengritesite e pamposhtur te Kavajes na pershendesin nga qelite e Narkokomisariatit. Nje pershendetje te perzemerte miq guximtareve qe na bejne krenare. Rama ik! Fitore! Lexoni mesazhin dhe shikoni foton e kryengritesit dixhital. sb Doktor çunat e Kavajes live nga dhoma e paraburgimit ne komisariat.
I arrestuan sonte ne mbremje sepse bllokuan KZAZ-ne e Luzit te vogel ne perputhje te plote me ligjin dhe dekretin e Presidentit te Republikes.
Po kthehet komunizmi😔
Liri demokraci
