Ish-zv.kryeministri, Arben Ahmetaj, prej më shumë se 6 muajsh ndodhet në arrati, pas akuzave për përfshirje në skandalin e inceneratorëve dhe hetimeve të hapura nga SPAK.
Së fundmi po qarkullon lajmi se ai ka nënshkruar një marrëveshje lobimi në SHBA me një lobist amerikan, i cili thuhet se do të përfaqësojë interesat e tij dhe të partneres se tij, Erjola Hoxha.
Marrëveshja mes tij dhe lobistit amerikan, Edward Steëart është nënshkruar në 25 janar të këtij viti, teksa në të thuhet se lobisti do të ofrojë shërbime për çështjet publike dhe advokaci për Ahmetajn dhe partneren e tij.
Nga kjo marrëveshje, Ahmetaj ka bërë gafën e radhës, pasi nuk është treguar i kujdesshëm, duke zbuluar kështu vendodhjen e tij aktuale.
Në kontratën e firmosur dallohet se Ahmetaj jeton në “Viale Stefano Franscini 11 6900 Lugano, Sëitzerland”. Ish-numri dy i qeverisë jeton në Zvicër, më konkretisht në Lugano, edhe pse është i shpallur në kërkim.
Sa i takon kontratës së nënshkruar, Ahmetaj do t’i paguajë kompanisë 150 mijë dollarë, nga të cilat 50 mijë sapo të nënshkruhet, dhe më pas nga 25 mijë dollarë në prill, maj, qershor dhe korrik.
Tani që i dihet adresa, a do marrë masa qeveria dhe Policia që Ahmetaj të kapet dhe të shkojë në burg? Apo i gjithë largimi, urdhër arresti dhe kërkimi i tij nuk janë asgjë më shumë veçse një shoë për punën që po bën SPAK dhe qeveria për korrupsionin dhe hetimet ndaj peshqëve të mëdhenj.
