Sot përkujtohet 21 janari, ku mbetën të vrarë 4 protuestues nga protesta e ogranizuar nga opozita e asaj kohe, Partia Socialiste që sot është në pushtet.
Lidhur me këtë ngjarje të rëndë, kanë reaguar sot edhe familjarë të viktimave.
Xhaxhai i Aleks Nikës, Mark Nika pret drejtësi për vrasjen e nipit të tij, ai u shpreh për mediat se topi tashmë është lënë te drejtësia shqiptare dhe që pritet drejtësi për këtë ngjarje të rëndë.
“Gjykata Europiane na ktheu shpresën se do të ketë drejtësi. E kam thënë dhe e përsëris, vrasja e Aleksit, dhe tre protestuesve të tjerë, ishte e rëndë. Ata ishin protestues paqësor. Nuk kishte arsye që të vriteshin. Asgjë tjetër veç një urdhër nga lart mund të çonte drejt vrasjes së tyre. Presim drejtësi! Topi është në drejtësinë shqiptare, presim”, tha Nika.
