Gjykata e Posaçme ka vendosur datën për gjykimin e Sali Berishës. Mësohet më 26 dhjetor do të mbahet seanca për ndryshimin e masës së sigurisë për ish-kryeministrin.
Kjo senacë do të mbahet pasi Kuvendi miratoi dje heqjen e imunitetit dhe brenda dy orëve i dërgoi Prokurorisë së Posaçme aktin duke e njohur me vendimin e marrë.
Ndërsa, nga ana tjetër Berisha ka refuzuar më parë masën e sigurisë detyrim me paraqitje me pretendimin se masa ishte vendosur në mënyrë të paligjshme nga GJKKO, pasi nuk kishte kërkuar më parë vendimin e Parlamentit për imunitetin.
Berisha është vënë në hetim nga SPAK për veprën penale të korrupsionit në lidhje me procedurat e ndjekura për privatizimin e kompleksit “Partizani”.
