Vitin që lamë pas ndryshimi i pagave reale nuk ka pasur ndonjë efekt të lartë tek tregu i punës dhe fuqisë punëtore.
Sipas të dhënave të publikuara nga INSTAT, paga mesatare mujore bruto në vitin 2022 u rrit me 8.2 për qind, teksa inflacioni mesatar vjetor me 2022 ishte 6.7 për qind, duke bërë që paga reale në rang kombëtar të jetë vendi të jetë rritur vetëm 1.5 për qind.
Vërehet se nga 12 qarqe të vendit, vetëm në 9 prej tyre pagat janë rritur më pak se inflacioni. Kjo ka ndikuar në pagën reale, duke pësuar një rënie në krahasim me vitin 2021.
Rënia më e madhe të pagës reale ishte në qarkun e Kukësit ku pagat mesatare mujore bruto u rriten me vetëm 2.7% për qind, teksa inflacioni ishte 6.7%, paga reale në këtë qark ka pësuar rënie me 4% vitin e kaluar.
Kujtojmë se Kukësi është qarku me nivelin më të lartë të varfërisë në vend.
Qarqe të tjera që janë përballur me këtë problem ekonomik janë: Elbasani, Fieri, Dibra, Korça, Shkodra, Gjirokastra, Vlora, Lezha dhe Berati.
Ndërsa, dy qarqet më të mëdha në numër popullsi si Durrësi dhe Tirana pësuan një rritje reale të pagave me shumë se mesatarja kombëtare përkatësisht me 11 dhe 9 për qind.
Krahasimi me inflacionin tregon se në Durrës paga mesatare vitin e kaluar u rrit vetëm me 4.3 për qind në Tiranë paga reale u rrit vetëm me 2.3%.
Paga mesatare mujore në Shqipëri në vitin 2022 ishte 61.898 lekë. Qarku i Tiranës ka pagën mesatare mujore më të lartë, (69.743 lekë).
