Futbollisti Florent Hasani fitoi çmimin “Këpuca e Artë 2023” në mbrëmjen e ndarjes së çmimeve nga FSHF. Ai ishte gjithashtu pjesë e “Formacionit të Vitit”, duke u cilësuar si golashënuesi më i mirë.
Sulmuesi kosovar e mbylli kapitullin e tij me ekipin e Tiranës, ndërsa në janar do të jetë pjesë e Rapidit të Bukureshtit në Rumani.
Pasi fitoi “Këpucën e Artë 2023”, Hasani i dha lamtumirën e fundit klubit të tij përmes një postimi në Instagram, duke falënderuar skuadrën dhe tifozët që bënë të mundur të fitonte këto dy çmime kaq të rëndësishme për të.
“Koha e kaluar këtu ka qenë periudha më e mirë gjatë gjithë karrierës time! Jam ndjerë si në shtëpi dhe këtë më së miri e dëshmojnë arritjet e mija, qe pa klubin tim Tirana, pa tifozërinë më të mirë të saj “Tirona Fanatics” nuk do ja dilja asnjëherë të kisha këto rezultate! Kryesisë së Klubit Tirana, stafit, bashkëlojtarëve, tifozëve dhe të gjithë mbështetësve të mi ju jam mirënjohës dhe falënderues pafund për këtë eksperiencë të mrekullueshme që kaluam bashkë! Shpresoj që sado pak jeni te kënaqur me punën dhe përpjekjet e mija! I juaji Florent Hasani”, shkruan sulmuesi.
