Policia Kufitare ka arrestuar sot një grua dhe një vajzë në aeroportin e Rinasit. Bëhet me dije se të dyja kanë kontrabanduar mallra. Nga kontrollet e bëra nga policia, në valigjet e tyre janë gjetur veshje për femra të markave të ndryshme, që nuk ishin deklaruar në doganë.
Policia njofton se po ashtu është nisur hetim për një shtetas gjerman që iu kapën në çantë 30 mijë euro të padeklaruara.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
“Është arrestuar në flagrancë shtetasja E. K., 26 vjeçe dhe ka nisur procedimi në gjendje të lirë për shtetasen H. K., 24 vjeçe, të dyja banuese në Tiranë, pasi në hyrje të RSh-së, në valixhet e tyre, shërbimet e Policisë kanë gjetur veshje për femra, të markave të ndryshme, që nuk ishin deklaruar në doganë, siç përcaktohet me ligj”, njofton policia.
