Policia spanjolle ka njoftuar se në një operacion të fundit të zhvilluar janë sekuestruar më shumë se 3 ton kokainë. Bëhet fjalë për grup të strukturuar kriminal, pasi 11 perona janë të dyshuar, mes tyre shqiptarë, kolumbianë dhe spanjollë në Xirivella.
Disa nga trafikantët u përpoqën të arratiseshin në momentin e sekuestrimit të drogës, por agjentët e antidrogës i penguan me një kordon policie, raporton Gazeta “Dita”.
“Policia veproi shumë shpejt. Pesë ose gjashtë oficerë të veshur me jelek antiplumb hynë dhe u hodhën mbi dy nga burrat që ishin në tarracë. Një tjetër që ishte në tavolinë u ngjit me vrap shkallët për në katin e dytë, por pak pasi e zbritën me duar në pranga”, tha një dëshmitar okular për mediat spanjolle.
Ngarkesa e drogës mbërriti në portin e Valencias në dy kontejnerë nga Guayaquil i Ekuadorit.
