Në ditën e sotme prej disa orësh është ndërprerë puna në pikën kufitare të Kakavijës, nga pala greke. Mësohet se shkak është bërë rënia e sistemit.
Si rezultat i difektit, janë shkaktuar rradhë të gjata makinash në këtë pikë kufitare.
Sipas burimeve të “shqiptarja.com” udhëtarët, kryeshisht shtetas shqiptarë po presin më orë të gjata për të kaluar drejt Greqisë. Ndërkohë që për ta nuk ka ndonjë njoftim edhe për sa kohë do vijojë kjo situatë, pasi edhe në raste të mëparshme pala greke nuk i ka njoftuar udhëtarët për kohëzgjatjen e këtij problemi.
Burmet theksojnë se ky është një rast i përsëritur, i vonesës së emigrantëve shqiptarë për të kaluar nga Shqipëria drejt Greqisë pasi shpesh herë në sportelet e palës greke shfaqen probleme të tilla.
