Zëvëndëskryeministrja, njëherësh ministrja e Infrastrukturës dhe Energjisë, Belinda Balluku në fjalën e saj në Samitin e Diasporës këtë të enjte ka folur në lidhje me zhvillimet në vend në fushën e digjitalizimit dhe inovacionit. Ajo e ka quajtur një sukses të madh faktin që pothuaj të gjitha shërbimet në pushtetin lokal dhe qëndror të kthehen në shërbime digjitale. Por vlen të kujtojmë se hakërrimi ku të dhënat e shqiptarëve dolën sheshit erdhi pikërisht nga hakërrimi i këtyre sistemeve.
Nga ana tjetër, Balluku vlerësoi diasporën dhe arritjet e shumë shqiptarëve kudo në botë në fusha të ndryshme, duke u shprehur se jemi vend i vogël por kemi nxjerrë shumë shkencëtarë, artistë apo sportistë.
“Kapitali njerëzor është i shpërndarë në të gjithë botën. Jemi komb i vogël, sërish gjenetikisht kemi diçka. Jem pak po kemi nxjerrë shumë shkencëtarë të njohur, shumë artistë, shumë sportist. Zoti na ka dhënë si burimet e natyrës si një brum të mirë gjenetik që duhet të përthithet siç është rasti i Samitit të Diasporës. Jam kundër këtyre ditëve të veçanta një herë në 3 vite, Kjo ditë duhet të na shërbejë të rrisim bashkëpunimin deri në samitin ardhshëm”, deklaroi Balluku.
