Rastet e futbollistëve me probleme në zemër kanë shënuar një rritje të ndjeshme në vitet e fundit, duke sjellë tragjedi në botën e sportit. Ngjarja më e fundit është ajo e ndodhur në ndeshjen mes Egnatias dhe Partizanit, ku Raphael Dwamena humbi jetën nga një arrest kardiak në fushën e lojës. Kjo ngjarje ka përcjellë një lajm të hidhur tjetër në botën e futbollit.
Ish-portieri i Zimbabve, George Chigova, njohur me pseudonimin “Zikeeper”, ka ndërruar jetë tragjikisht në moshën 32-vjeçare. Pas një sulmi në zemër në korrik, ai ishte detyruar të ndërpriste karrierën e tij futbollistike. Megjithatë, ai kishte tentuar të rikthehej në fushë, por fatkeqësisht është gjetur i pajetë në shtëpinë e tij në Afrikën e Jugut. Mediat besojnë se vdekja ka ndodhur pas një sulmi të dytë në zemër.
George Chigova ka shquar për angazhimin e tij në disa skuadra, duke përfshirë Dynamos, Polokwane City dhe SuperSport United. Si portier, ai ka luajtur në 30 ndeshje për kombëtaren e Zimbabwes, duke përfshirë pjesëmarrjen në Kupën e Kombeve Afrikane. Me largimin e tij të parakohshëm, Chigova lë pas një histori të suksesshme në fushën e futbollit në komunitetin afrikan.
