Komisioni Qendror i Zgjedhjeve do të mblidhet ditën e sotme në orën 12:00, pasi do të vendosë për “fatin” e kryebashkiakut të Kuçovës. Kujtojmë se Kreshnik Hajdari është dënuar më parë në shtetin grek, vendim i dhënë nga Gjykata e Janinës.
Ndërsa, Hajdari në formularin e vetëdeklarimit është shprehur se nuk ka qenë asnjëherë i dënuar. KQZ do të vendosë sot nëse kryebashkiaku do të shkarkohet apo do të vijojë të qëndrojë në detyrën aktuale në bashkinë Kuçovë.
Gjithashtu, Hajdari është nën hetim edhe nga SPAK për akuzën e “Falsifikimit të formularit të vetëdeklarimit”, por edhe për një kallëzim nga Lefter Maliqi që kandidoi kundër tij në zgjedhje, i cili e akuzon për një sërë shkeljesh para, gjatë dhe pas zgjedhjeve në Kuçovë.
