Komisionerja për të Drejtat e Njeriut në Këshillin e Evropës, Dunja Mijatoviç ka ngritur shqetësime për marrëveshjen Rama-Meloni për strehimin e emigrantëve në Shqipëri.
Në një deklartë zyrtare, ajo ka ngritur shqetësime mbi ndikimin që do të ketë zbatimi i marrëveshjes për të drejtat e njeriut të refugjatëve, azilkërkuesve dhe migrantëve.
“Memorandumi i Mirëkuptimit krijon një regjim ekstra-territorial të azilit i karakterizuar nga shumë paqartësi ligjore. Në praktikë, mungesa e sigurisë ligjore ka të ngjarë të dëmtojë garancitë thelbësore të të drejtave të njeriut dhe llogaridhënien për shkeljet, duke rezultuar në trajtim të ndryshëm midis atyre, kërkesat e të cilëve për azil do të shqyrtohen në Shqipëri dhe atyre për të cilët kjo do të ndodhë në Itali”, thuhet ndër të tjera.
