“Kemi pasur vetëm një…”, lihet në burg 59-vjeçari që ngacmoi të miturën në Korçë

Ditën e sotme, Gjykata e Korçës ka vendosur masën ‘arrest me burg’ për 59-vjeçarin që ngacmoi seksualisht një 12-vjeçare në fshatin Pojan.  Ndërkohë që i akuzuari Anesti Sala nuk i ka pranuar akuzat ndaj tij, duke thënë se nuk e njeh këtë familje,

Gjithashtu ai është shprehur se është ndeshur me to vetëm në një moment të vetëm, kur kanë pasur një debat, për të cilin thekson se është zhvilluar në gjendje të dehur. Konkretisht konflikti ka qenë me gjyshen e vajzës.

Ndërkohë, gjyshja e 12-vjeçares ka pohuar faktin që është konfliktuar me 59-vjeçarin por për arsye të ngacmimit të vazhdueshëm dhe përndjekjes së mbesës së saj.