Gaza është kthyer në një vatër sulmesh, ku mijëra fëmijë, foshnja dhe njerëz të tjerë janë duke rrezikuar jetën. Një lajm i fundit ka ardhur sot nga Gaza, ku një organizatë ndihmëse atje ka shprehur se dhjetëra foshnja të lindura para kohe nuk mund të lëvizin para të sigurtë.
Ata po trajtohen aktualisht në spitalin Al-Shifa dhe mjekët tregojnë se lëvizja e fëmijëve të porsalindur është një proces shumë i vështirë.
Kujtojmë se ushtria izraelite shprehet se ka ofruar të ndihmojë në transferimin e foshnjave palestineze në një “spital më të sigurt”.
CEO i organizatës së ndihmës, Melanie Ëard, në një deklaratë zyrtare tha se opsioni më i sigurt për të shpëtuar të porsalindurit është që Izraeli “të pushojë sulmin dhe rrethimin e tij ndaj Al Shifa, të lejojë karburantin të arrijë në spital dhe të sigurojë që prindërit e mbijetuar të këtyre foshnjave të mund të ribashkohen me ta”.
