Pasditen e sotme, në Tropojë është gjetur një person i pajetë. Bëhet me dije se 80-vjeçari me iniciale D.B u raportua i zhdukur nga familjarët e tij. Ishin ata që raportuan humbjen e kontakteve me të moshuarin.
Të afërmit raportuan në Komisariatin e Policisë Tropojë, se ky shtetas, banues në fshatin Kojel, kishte dalë në bjeshkët e Pojanit dhe nuk ishte kthyer në banesë.
Pas kontrolleve është gjetur trupi i pajetë i 80-vjeçarit. Në trupin e tij nuk është konstatuar asnjë shenjë dhune, grupi hetimor po vijojnë hetimet.
