Një shqiptar është arrestuar nga autoritetet malazeze në pikën kufitare të Sukobinit. 25-vjeçari shqiptar dyshohet se është pjesë e një grupi të strukturuar kriminal, i cili mësohet se do të kryente vrasjen e një anëtari të klaneve të Kotorrit.
Ende nuk është bërë i ditur identiteti i tij, ndërsa në pranga ka rënë edhe bashkëpunëtori i tij nga Armenia, 35 vjeç, ndërsa një tjetër, po nga Armenia, është shpallur në kërkim.
Siç bëjnë me dije mediat malazeze, policia e Budvës mbrëmjen e djeshme ka vërejtur një automjet “VË Polo” me targa të Barit në rrugën “Slovenska plaža”, të cilin e ka ndaluar dhe i ka kryer kontroll. Tre personat që kanë qenë në makinë kanë tentuar të largohen, por vetëm njëri ia ka arritur.
Ndërkaq, në automjet u gjetën dy pistoleta ‘Glock’ me 19 fishekë secila, një pistoletë automatike ‘Scorpion’ me silenciator dhe 17 fishekë, dy maska silikoni si dhe disa palë doreza dhe rroba për ndërrim.
Hetimet janë në vijim e sipër, për të zbardhur rrethanat nën të cilat ishte planifikuar kryerja e kësaj vrasjeje.
