Ditën e djeshme Gjykata e Apelit në Tiranë vendosi lirimin e ish-luftëtarit të UÇK-së, Dritan Goxhaj, duke mos lejuar ekstradimin e tij në Hagë. Ndërkohë që sot Goxhaj për “Top News” deklaroi se Prokuroria e Tiranës ka transferuar sendet e tij pesonale duke përfshirë kompjuterin, telefoni personal apo pajisje të tjera elektronike në gjykatën në Hagë. Sipas tij kjo është diçka absurde, që mund të ndodh vetëm në vendin tonë.
“Prokuroria e Tiranës në kundërshtim me të gjitha ligjet e këtij vendi i ka transferuar të gjitha pajisjet e mia elektronike, kompjuterin dhe telefonin tim personal, Gjykatës Penale të Hagës pa u bërë ekstradimi dhe pa u vendosur nga Gjykata ekstradimi im. Pra edhe pse nuk jam ekstraduar telefoni im është në Hage. Diçka absurde që ndodh në këtë vendin tonë”, tha Goxhaj.
Goxhaj akuzohej nga Prokuroria Speciale, se nëpërmjet një statusi të bërë në rrjetin social “Facebook”, ka intimiduar dëshmitarët në procesin për krime lufte që po zhvillohet në Hagë, kundër drejtuesve të UÇK-së.
