Ditën e sotme midis Sali Berishës dhe ministres Elisa Spiropali ka pasur replika të forta. Duket se Spiropali nuk e ka harruar deklaratën e Berishës seancën e kaluar dhe ka zgjedhur t’i drejtohet këtij të fundit me një gjuhë fyese dhe ironike.
Berisha në seancën e kaluar iu drejtua, duke i thënë se vuan nga ajo që Frojdi e quan “zilia falike tek vajzat”. Spiropali iu përgjigj se vetë Frojdi do të dështonte me Berishën, teksa i përmendi edhe moshën.
“Një replikë së pari, Frojdi do dështonte para një pacienti si ty, nuk mund të merresh me një burrë në moshë që i ka ngelë mendja të Frojdi. Ne ramë dakord në Konferencën e Kryetarëve, që nga Kuvend të dalë një rezolutë e përbashkët. Do të kemi mundësi të debatojmë. Do mishërojmë një rezolutë që mbështet integritetin e Kosovës. Këtë ka bërë Shqipëria kudo në çdo tryezë. Ne nuk do ndalemi. Deklaratat dhe rezolutat të jenë të përbashkëta. Kosova nuk është një çështje e politikës së ditës. Të dalim mbi traditat e mëparshme”,tha ajo.
