Aksidenti i çmendur që ndodhi ditën e djeshme në digën e liqenit Artificial ka përgjegjës 3 personat të cilët ndodheshin në mjet.
Në makinën luksoze tip “BMWX6” që lëvizte me shpejtësi skëterrë në “Rrugën e Kosovarëve” në kryeqytet ndodheshin Emiljano Nina, Jurgen Allushi dhe Eldi Alllushi
Nina është shpallur në kërkim, ndërsa Jurgen Allushi është ndaluar nga Policia. Në fakt, Emiljano Nina nuk është një e emër i panjohur për policinë pasi është përfshirë në disa ngjarje kriminale dhe po ashtu është kushëriri i të shumëkërkueRIT Ervis Martinaj.
Po kush është Emiljano Nina?
Emiljano Nina nuk është emër i panjohur për policinë. Ai është përfshirë në disa ngjarje kriminale dhe është kushëri i Ervis Martinaj.
Ai njihet edhe me emrin Emiljano Tasho dhe mësohet se është shoqëruar edhe më herët nga uniformat blu. Në vitin 2015, ai u shpall në kërkim nga policia për një ngjarje të rëndë kriminale të ndodhur në Tiranë. Bëhet fjalë për vrasjen e 30-vjeçarit Enton Nikaj që ndodhi në nëntor në parkingun e një restoranti në Linzë, ku mbeti i plagosur edhe pronari i biznesit.
Nina, në atë kohë 20 vjeç, u shpall në kërkim si person i dyshuar për përfshirje në vrasje. Pasi u shoqërua nga policia për këtë ngjarje, u la i lirë sepse u provua se nuk rezultonte të kishte gisht në krim.
