Një aksident i pazakontë ndodhi mëngjesin e ditës së djeshme, ku një 26-vjeçar përplasi makinën me digën e Liqenit Artificial në Tiranë.
Fatmirësisht nuk pati viktima, teksa drejtuesi i mjetit Eldi Alushi u largua nga vendi i ngjarjes, pasi nuk harroi të merrte edhe targat e makinës me vetë në mënyrë që të të ulte mundësinë e identifikimit të tij nga ana e Policisë së Shtetit.
Dyshohet se i riu mund të ketë qenë në efektin e alkoolit apo të substancave narkotike.
Eldi Alushi nga qyteti bregdetar i Durrësit, ecte me shpejtësi tepër të lartë në “Rrugën e Kosovarëve” dhe më pas makina makina ka “fluturuar” mbi skarpatën që ndan Digën e Liqenit nga kjo rrugë dhe ka përfunduar në muret ndarës të pedonales buzë ujit.
Sipas gazetës Dita, bazuar në burimet hetimore, në klubet e natës po qarkullon një drogë ku shkalla e humbjes së perceptimit të realitetit është shumë e lartë.
Droga përshkruhet si veçanërisht e rrezikshme pas konsumimit. Në doza të larta, ajo i krijon viktimës perceptimin se mund të fluturojë.
