Policia e Shtetit ka dhënë informacion zyrtar në lidhje me operacionin ndëkrombëtar antidrogë ku morën pjesë forcat e Guardia Di Finanza, DEA amerikane dhe policia shqiptare. Ky operacion antidrogë goditi një grup kriminal me bazë në Fushë-Kuqe të Kurbinit.
Sipas zv.drejtorit të policisë Sokol Bizhga, operacioni nisi në orën 22:00 të mbrëmjes së 14 gushtit dhe u përmbyll pasditen e djeshme në orën 18:00.
Brizhga bëri me dije se trafikantët e drogës sapo vunë re prezencën e policisë i kanë vënë flakën një veliere ku ishte lënda narkotike. Gjatë operacionit janë sekuestruar armë, para cash: 45 mijë euro, 25 mln lekë të vjetra, paund, franga zvicerane e lira turke. Po kështu 25 kg kanabis janë gjetur në afërsi të vendit ku është mbytur veliera.
Nga operacioni janë arrestuar 6 persona, shqiptarë dhe të huaj.
