Fati i të shumëkërkuarit Ervis Martinaj është ende mister teksa ka shumë aludime se ai mund të jetë eleminuar me shumë ‘profesionalizëm’ nga kundërshtarët.
Gazetari Ferdinand Dervishi ka zbuluar skemën se si kundërshtarët e Ervis Martinaj arritën ta fusnin atë në kurth. Ai tha se bëhet fjalë për një ngjarje të cilën vetë nuk e ka hasur as nëpër filma apo libra që ka lexuar pasi kundërshtarët e Martinaj janë treguar aq të zgjuar saqë nuk i kanë lënë atij hapësirë të dyshonte se i kishin ngritur kurth. Sipas tij, Vis Martinajt iu dërgua një video e kundërshtarit kryesor, se gjasme ishte marrë peng dhe iu tha se mund të shkonte ta merrte për ta ekzekutuar. Në fakt videoja ishte e rreme dhe një kurth që solli fundin e mbretit të lojërave të fatit.
“A kërkonte ky Ervis Martinaj, paguante njerëz të ndryshëm e thoshte “më sill kokën e tij”, kjo u përdor në të kundërt të tij. Kundërshtarët e tij u mblodhën dhe në mënyrë shumë të zgjuar, unë s’e kisha hasur as nëpër filma e libra që kam lexuar, ata marrin një nga kundërshtarët kryesorë të tij në marrëveshje dhe i ngrenë një grackë. Ata e lidhin në një karrige dhe me miratimin e tij fillojnë ta filmojnë kur dy persona e qëllojnë dhe e bëjnë gjak realisht këtë njeri. Ata i çojnë video Vis Martinaj dhe i thonë këtë po kërkon ti? Hajde e merre se e kemi ne. Ai i bindur nga videoja që ishte krejtësisht origjinale, ra në kurth dhe ata e kapën dhe kjo është historia e tij. Kjo është histori që policia pa dyshim e di, ka vajtur edhe në objekte të ndryshme, por nuk kanë gjetur asnjë provë”, tha gazetari Dervishi në një intervistë televizive.
