Një ngjarje e rëndë ka ndodhur pasditen e sotme në një fshat të Lipjanit, Kosovë. Bëhet me dije se nga të shtëna me armë zjarri janë vrarë tre persona. Akoma nuk dihen rrethanat që kanë çuar deri te kjo tragjedi.
Indeksonline shkruan se një person dyshohet të ketë vrarë djalin dhe gruan e tij, i dyshuari në fjalë më pas ka kryer vetvrasje. Burri ka vrarë gruan, djalin dhe më pas veten, ndërsa viktimat janë gjetur pa jetë rreth orës 16:30.
“Rreth orës 16:30 policia ka pranuar informatën për tre persona të pajetë në fshatin Rufc të Lipjanit. Menjëherë pas marrjes së informatës policia ka dalë në vendin e ngjarjes ku janë hasur trupat e pajetë, vdekja e të cilëve është konstatuar nga ana e ekipit mjekësor. Aktualisht policia ka nisur një hetim për rastin dhe rrethanat që karakterizojnë ngjarjen“, sipas policisë.
Detaje të reja nga krimi makabër në Kosovë, ku babai ka vrarë të birin e gruan e më pas veten.
Duket se ka qenë grindja e çastit mes bashkëshortëve e më pas ndërhyrja e djalit, që përfundoi me një banjë gjaku.
60-vjeçari Abedin Bekteshi ka vrarë bashkëshorten e tij dhe djalin Ardit Bekteshin 24-vjeç e më pas ka vrarë veten.
