Teksa po zhvillohet seanca planerë, kryeministri Edi Rama nuk është prezent.
Kryetari i grupit parlamentar të PD-së, Gazment Bardhi kërkoi sot që kryeministri Edi Rama të jetë i pranishëm në seancë plenare. Sipas tij Kuvendi nuk mund të vijojë mbledhjen pas ngjarjeve të fundit të ndodhura, ndërkohë që kryeministri nuk është i pranishëm.
“Ndërprisni seancën dhe kërkojini kryeministrit të vijë këtu. Është e papranueshme që Rama fshihet pas Rrajes për Krujën dhe pas Ahmetajt për inceneratorët. Është në detyrimin dhe në të drejtën tonë që të kërkojmë të pezullohet seanca plenare dhe të vijë të japë llogari. Të japë llogari për licencën që i ka dhënë deputetit për guroren që i shkatërroi shtëpinë një fshati të tërë”, tha Bardhi.
Ndërkohë kryetarja e Kuvendit Lindita Nikolla bëri të ditur se SPAK ka paraqitur kërkesën për miratimin e arrestit të deputetit socialist, Arben Ahmetaj. Nikolla deklaroi se Kuvendi do të mblidhet sërish ditën e hënë, në orën 17:00, ku do të flasë në seancë edhe vetë Ahmetaj.
‘Nga SPAK është paraqitur kërkesa që kërkon miratimin për arrestin me burg të deputetit zotit Arben Ahmetaj, kjo është depoziatuar në datën 10/7. Në bazë të rregullave u zhvillua mbledhja për të dëgjuar pretendimet, në zbatim të nenit do të hartohen raporte që miratojnë për dhënien e masës për Ahmetajn. Seanca plenare do të zhvillohet në orën 17:00 të hënën, në mënyrë që edhe deputeti të flasë, sic e kërkon rregullorja”, u shpreh Nikolla.
