Heqja e tabelave mbrëmjen e së shtunës nga Policia e Sarandës dhe reagimi i djeshëm i ARRSH-së, ka bërë që edhe Ministria e Jashtme e Greqisë të shprehë mendimin e saj.
Mirëpo situata nuk duket e tensionuar dhe këtë e ka shprehur vet Ministri i Jashtëm, Katrugalos. Ai ka thënë se ka qenë në kontakt me qeverinë shqiptare dhe janë informuar për këtë heqje dhe kjo sepse tabelat duhen fillimisht në shqip dhe pastaj në greqisht.
“Na thanë se hoqën tabelat për të ndryshuar radhët. Radha për tabelat do jetë shqip dhe pastaj greqisht. Me qeverinë e Shqipërisë jemi në kontakt të vazhdueshëm. Morëm përgjigje nga qeveria Rama. Kemi dhënë premtime për minoritetin grek”, u shpreh ai.
Reagim të njëjtë ka pasur edhe nga kreu i Bashkisë së Finiqit, Leonidha Hristo, i cili ka thënë se janë në kontakt të përhershëm me instancat përkatëse për zgjidhjen e situatës dhe deri më tani gjithçka paraqitet në rregull.
