Ditën e sotme mbledhja që të konstituohet Këshilli Bashkiak i Himarës është shoqëruar me tensione.
Por megjithatë është zgjedhur kreu i Këshillit Bashkiak, Dhimitër Kapaj. Dhimitër Kapaj është zgjedhur kryetar i Këshillit Bashkiak të Himarës, teksa sot po mbahet ceremonia e konstituimit. Kapaj është zgjedhur me 13 vota pro, ndërsa Afrovita Dhimojani mori vetëm 8 vota.
Ndërsa kryetari i zgjedhur Freqi Beleri nuk është lejuar të marrë pjesë pas vendimit të djeshëm nga Gjykata e Posaçëm. Ajo vendosi të refuzojë kërkesën e avokatëve të tij, që kërkuan që ai të lirohej ose të paktën të shoqërohej për t’u paraqitur në ceremoninë e betimit të planifikuar për sot.
Fredi Beleri nga burgu ka shkruajtur një letër ku u drejtohet të gjithë qytetarëve të Himarës. Beleri, i arrestuar për shpërdorim detyre dhe korrupsion në zgjedhje, në letrën e tij shkruan se në 14 maj fitoi demokracia dhe Himara. Ndër të tjera, thekson faktin se nuk u lejua që të betohej si kryebashkiak në detyrë, pasi GJKKO rrëzoi kërkesën e tij për t’u lënë i lirë. Kujtojmë që Fredi Beleri u arrestua 2 ditë para zgjedhjeve lokale të ’14 Majit’ teksa akuzohet për shitblerje votash. Nga pala greke ka pasur presion të vazhdueshëm për lirimin e Fredi Belerit.
