Ashtu si edhe është lajmëruar më herët, dita e sotme është “Dita pa makina” kështu që drejtuesit e automjeteve duhet të tregojnë kujdes me rrugët që zgjedhin të kalojnë, pasi do të jenë të bllokuara.
Si policia Bashkiake ashtu edhe ajo e Shtetit janë kujdesur për të marrë masat e duhura për kufizimin e qarkullimit të mjeteve për të siguruar kështu një ditë me më pak ndotje në ajër.
Kështu që akset e bllokuara do të jenë:
Bulevardi “Dëshmorët e Kombit” në datë 05.05.2019 nga ora 08:00 deri në orën 17:00.
Kufizime do të ketë edhe në Sheshin “Nënë Tereza”, nga data 05.05.2019 ora 00:00 deri në datën 06.05.2019 ora 00:00.
Ndërkaq, qarkullimi i automjeteve, mjeteve të emergjencës dhe Policisë së Shtetit do të bëhet në rrugët “Ibrahim Rrugova”, “Lek Dukagjini” dhe “Papa Gjon Pali II”.
Ndërkaq edhe linjat e transportit publik do të devijohen dhe do të kenë një intenerar të tillë:
-Linja e Unazës do të devijohet në urën e rrugës “Sami Frashëri” me urën e rrugës “Elbasanit”.
– Linja “’Tirana e Re”, “Kopshti Zoologjik” do të devijohen te sheshi “Wilson”, ura e Drejtorisë së Policisë.
– Linja “Kristali” do të devijohet te sheshi “Wilson” dhe ish Stacioni i“Dita pa makina”/ Shmangni këto rrugë, janë të bllokuara
Trenit.
– Linja “Kinostudio-Kombinat”, do të devijohet tek Sheshi “Medresesë”, si dhe përballë kishës Ortodokse.
– Linja “Kashar” do të devijohet te “Kafe Flora”, Kisha Ortodokse.
– Linja “Megatek” dhe “Instituti” do të devijohen te “Kafe Flora”.
– Linja “Qyteti Studenti”, “Jordan Misja”, “Sauk”, dhe “Sanatorium” do të devijohen te Fakulteti Ekonomik.
– Linja “Mihal Grameno” do të devijohet te ura pranë rrugës së “Elbasanit”. – Linja “Materniteti i Ri” do të devijohet te ura pranë rrugës së “Elbasanit” dhe kishës Ortodokse.
– Linja “Sharra” do të devijohet tek ish Stacioni i Trenit, si dhe përballë kishës Ortodokse në rrugën e “Kavajës”.
– Nga ora 00:00 deri në orën 08:00 e datës 05 Maj dhe nga ora 17:00 deri në orën 00:00 linjat “Tirana e Re” dhe “Kopshti Zoologjik” do të kthehen te Blv. “Dëshmorët e Kombit” dhe do të stacionohen te hotel “Rogner”.
Dita e sotme është ditë e shënuar edhe për një fakt tjetër shumë të rëndësishëm, pasi duke qenë dita e dëshmorëve, janë organizuar homazhe tek Varrezat e Dëshmorëve.
