Një ngjarje e paprecedentë është regjistruar ditën e sotme në Patos. Raportohet se një bombël gazi ka shpërthyer teksa kanë mbetur 3 persona të plagosur. Mësohet se bombola ka shpërthyer në një banesë në Grizë Lënginas ndërsa të plagosurit janë shoqëruar për në spitalin e Fierit.
Bëhet fjalë për shtetasit Fatmir Saliaj dhe Ylvie Saliaj, dhe vajza e tyre Daniela Shpërdheja. Sipas informacioneve, të lënduarit janë dërguar me urgjencë në spitalin rajonal të Fierit.
Ndërkohë që grupi hetimor ndodhet në vendngjarje dhe po punon për sqarimin e rrethanave të ngjarjes. Ndërkohë që fqinjët tregojnë për “Syri Tv” se dëgjuan një shpërthim të madh, madje i kontaktuan në tel por nuk u përgjigj askush. Ata thanë se vajza e familjes, ka pësuar më shumë djegie, ndërsa prindërit e saj janë në gjendje më të stabilizuar.
NJOFTIMI I POLICISE
Rreth orës 09:15, dyshohet se për shkak të rrjedhjes së gazit nga një bombul gatimi, ka rënë zjarr në banesën e shtetasit F. S., 69 vjeç, në lagjen “Grizë”, Patos.
Si pasojë, ka pësuar djegie trupore shtetasi F. S., shtetasja Y. S., 67 vjeçe dhe shtetasja D. Sh, 40 vjeçe, të cilët ndodhen në spital për ndihmë mjekësore. Grupi hetimor ndodhet në vendngjarje dhe po punon për sqarimin e rrethanave të ngjarjes.
