Pasditen e sotme Lezha është përfshirë nga reshjet e shiut të cilat kanë krijuar probleme kryesisht në qytet.
Vetëm 30- minuta kanë mjaftuar që Lezha të përballet me probleme.Kanalizimet nën tokësore nuk e përballuan nivelin e lartë të prurjeve dhe uji vëshoi në rrugë dhe lagjet e qytetit.
Situata më problematike u krijua në bulevardin “Gjergj Fishta” dhe blloqet e banimit 11-janari dhe 11.2 hektarë të lagjes “Besëlidhja”. Niveli i ujit arriti deri në 30 cm, duke bllokuar hyrjet e disa pallateve si dhe paralizuar lëvizjen e qytetareve dhe automjeteve.
Uji depërtoi edhe në disa biznese, por fatmirësisht u tërhoq brenda një kohe të shpejtë dhe nuk shkaktoi dëme.
Përmbytjet janë një situatë e përsëritur në Lezhë kur ka reshje të dendura shiu, pasi kanalizimet nën tokësore nuk e përballojnë nivelin e lartë të prurjeve.
Nisur nga situata e reshjeve të dendura mbrëmjen e djeshme dhe gjatë natës, Ministria e Bujqësisë, Zhvillimit Rural dhe Administrimit të Ujrave njofton se, që nga ora 19.00 e ditës së djeshme (e martë), në rrethin e Lezhës kanë rënë 106 mm shi, me një intensitet më të lartë deri rreth orës 01.00 të pasmesnatës, në zonën Grash – Zojs – Mabe të Zadrimes. Ndërsa në zonën e Dajçit kanë rënë 72 mm shi, në qytetin e Lezhë 82 mm dhe në fshatrat në Jug, kryesisht në Tale, kane rënë 120 mm, si dhe në zonën e Torovicës.
